| |||||||||||||||||
| |||||||||||||||||
|
|
ხშირად დასმული კითხვები
|
|
|||||||
|
ოქროს ანაბარი არის ვადიანი ტიპის ანაბარი, რომელიც დაზღვეულია ოქროს საშუალებით. რას ნიშნავს ოქროთი დაზღვევა? თქვენთვის მაქსიმალური სარგებლის მისაღებად და ანაბრის დამატებითი საიმედოობისათვის თიბისი ბანკი ანაბარს შეძენილი ოქროთი გაამყარებს. ამავდროულად ოქროს ფასის ზრდის შემთხვევაში თქვენ გექნებათ დამატებითი სარგებლის მიღების საშუალება. ოქროთი უზრუნველყოფილი ანაბრები დიდი პოპულარობით სარგებლობს აღმოსავლეთ ევროპის ქვეყნებში. ვის შეუძლია გახსნას ოქროს ანაბარი? ოქროს ანაბრის გახსნა შეუძლია ყველას, ვისაც აქვს 500 აშშ დოლარის დანაზოგი, როგორც ფიზიკურ, ისე იურიდიულ პირს. ანაბრის წლიური საპროცენტო განაკვეთი იცვლება 7%-დან 14%-მდე. რაც დამოკიდებულია ოქროს ფასის ცვლილებაზე ანაბრის მოქმედების პერიოდში. 7% არის გარანტირებული სარგებელი, რომელიც ოქროს ფასის ნებისმიერი ცვლილების შემთხვევაში დაერიცხება ანაბარს. თუ ერთი წლის განმავლობაში ოქროს ფასი:
ანაბარზე საპროცენტო სარგებლის დარიცხვა ხდება ანაბრის ვადის გასვლისას. რას ნიშნავს ოქროს ფასის ცვლილება? ოქროს ფასის ცვლილება, ესაა პროცენტული სხვაობა „ნიუ-იორკის სასაქონლო ბირჟაზე“ დაფიქსირებული ოქროს საბოლოო და საწყის ფასებს შორის, რომელიც გამოითვლება შემდეგი ფორმულით: (P2-P1)/P1*100%, სადაც P1 ოქროს საწყისი ფასია, ხოლო P2 - საბოლოო. ოქროს საწყის ფასად აიღება ანაბრის გახსნის წინა სამუშაო დღეს „ნიუ იორკის სასაქონლო ბირჟაზე“ დადგენილი ერთი უნცია ოქროს ღირებულება აშშ დოლარში. ოქროს საბოლოო ფასად აიღება ანაბრის ვადის გასვლის წინა თვის 25 რიცხვში*, „ნიუ იორკის სასაქონლო ბირჟაზე“ დაფიქსირებული ერთი უნცია ოქროს ღირებულება აშშ დოლარში. როგორ შეიძლება შემოწმდეს ოქროს ფასი? ოქროს ფასის შემოწმება შესაძლებელია ჩვენს ვებ გვერდზე რა უპირატესობა აქვს ოქროს ანაბარს ჩვეულებრივ ვადიან ანაბართან შედარებით? ოქროს ანაბარი დამატებითი საიმედოობისათვის უზრუნველყოფილია ოქროთი. ამიტომ მას ერიცხება 1-წლიან ვადიან ანაბართან შედარებით 2%-ით ნაკლები გარანტირებული სარგებელი - წლიური 7%. თუმცა ოქროს ფასის ზრდასთან ერთად თქვენ გექნებათ საშუალება მიიღოთ უფრო მაღალი 14%-მდე განაკვეთი აშშ დოლარში. რა გარანტია მაქვს, რომ ოქროს ფასი გაიზრდება? საუკუნეების განმავლობაში ოქრო წარმოადგენდა მსოფლიოში ერთ-ერთ ყველაზე მყარ ვალუტას, რომლის ფასი წლიდან წლამდე იზრდებოდა. მხოლოდ უკანასკნელი 5 წლის განმავლობაში ოქროს ფასი გაორმაგდა. ოქროს ფასი, როგორც წესი, იზრდება როგორც ეკონომიკური კრიზისების დროს, ასევე ეკონომიკის აღმავლობის პერიოდშიც. ამიტომ დიდი ალბათობით შეგვიძლია ვივარაუდოთ, რომ ოქრო გააგრძელებს ზრდას მომავალშიც და თქვენ გარანტირებულ საპროცენტო სარგებელთან ერთად გექნებათ საშუალება მიიღოთ გარანტირებულზე გაცილებით მაღალი პროცენტი.
(1 უნცია -1,000 აშშ დოლარი) . შემდგომ, ეკონომიკური ციკლის თავისებურებიდან გამომდინარე, ის გარკვეულწილად შემცირდა. ექსპერტების ვარაუდით, უახლოესი 6 თვის განმავლობაში, მსოფლიო კრიზისის ფონზე, ოქროს ფასი აუცილებლად გაიზრდება. რა პროცენტი ერიცხება ანაბარს ვადაზე ადრე დარღვევის შემთხვევაში? ოქროს ანაბრის ვადაზე ადრე დარღვევისას ანაბარს დაერიცხება წლიური სარგებელი 2%-ის ოდენობით ანაბრის ფაქტიურ ვადაზე გაანგარიშებით. ამ შემთხვევაში ოქროს საწყის და საბოლოო ფასებს შორის სხვაობა არ იქნება გათვალისწინებული. შეიძლება თუ არა ოქროს ანაბრით უზრუნველყოფილი სესხის აღება? ოქროს ანაბრით უზრუნველყოფილი სესხის აღება შესაძლებელია ნებისმიერ დროს, წლიური 18% განაკვეთით. შესაძლებელია თუ არა ანაბრის ვადის გასვლის შემდეგ თანხის სანაცვლოდ მივიღო შესაბამისი ღირებულების ოქრო? მიუხედავად იმისა, რომ ბანკი ყიდულობს ოქროს ანაბრის გასამყარებლად, მისი დანაწევრება თითოეულ ანაბარზე არ ხდება და შესაბამისად ანაბრის თანხის ნაცვლად ოქროს მიღება არ არის შესაძლებელი. რა ვადით არის შესაძლებელი ოქროს ანაბრის გახსნა? ანაბრის გახსნა შეიძლება 1 წლის ვადით. სწორედ ამ პერიოდის განმავლობაში არის ოქროს ფასის ზრდა ყველაზე საალბათო. შეიძლება თუ არა თანხის ცვლილება ოქროს ანაბრის მოქმედების პერიოდში? თუ ანაბრის მოქმედების განმავლობაში დაგჭირდათ ანაბარზე თანხის დამატება, თქვენ შესაძლებლობა გაქვთ გახსნათ ახალი ანაბარი მხოლოდ 500 აშშ დოლარიდან, ხოლო თუ თანხა დაგჭირდათ, ნებისმიერ დროს შეგიძლიათ დაარღვიოთ ანაბარი ან აიღოთ ანაბრით უზრუნველყოფილი სესხი. *რიცხვი განსხვავებულია თვეების მიხედვით და კონკრეტული შემთხვევებისთვის 23-დან 28 რიცხვამდე მერყეობს. 
| ||||||||
