ავტომატური გადარიცხვები სრულდება დღის განმავლობაში ორჯერ: 9:00 საათზე და18:30 საათზე;

ავტომატური გადარიცხვები შესრულდება გადასარიცხი თანხის ანგარიშზე არსებობის შემთხვევაში (ავტომატური გადარიცხვა ნაწილობრივი თანხით არ განხორციელდება);

საბარათე ანგარიშიდან ავტომატური კომუნალური გადარიცხვების განსახორციელებლად ანგარიშზე შესაბამისი თანხის არსებობასთან ერთად აუცილებელია, რომ ბარათი იყოს გააქტიურებული;

იმ შემთხვევაში, თუ ავტომატური გადარიცხვის შესრულებისათვის საჭირო თანხა კლიენტის ანგარიშზე შეტანილი იქნება პროვაიდერი კომპანიის მიერ დადგენილი გადახდის ბოლო დღეს, ბანკის მიერ გადარიცხული თანხა პროვაიდერი კომპანიის ბაზაში აისახება მომდევნო დღეს. ბანკი არ არის პასუხისმგებელი პროვაიდერი კომპანიის მიერ კლიენტისთვის დაკისრებულ სანქციებზე;

გასათვალისწინებელია, რომ თუ კომუნალური გადასახდელი გადახდილი იქნება უშუალოდ პროვაიდერ კომპანიაში და ეს კომპანია გადახდის დღესვე არ გაანულებს დავალიანებას, ბანკი მაინც შეასრულებს ავტომატურ გადარიცხვას პროვაიდერი კომპანიის მონაცემთა ბაზიდან მიღებული ინფორმაციის საფუძველზე. ამ შემთხვევაში ბანკი არ
არის პასუხისმგებელი ზედმეტად გადახდილი თანხის დაბრუნებაზე;

ბანკს უფლება ექნება გააუქმოს დავალება ავტომატური გადარიცხვების შესახებ თუ ავტომატური გადარიცხვა კლიენტის მიზეზით ვერ შესრულდება 365 დღის განმავლობაში. დავალების გაუქმების შემდეგ ავტომატური გადარიცხვების სერვისით სარგებლობისთვის კლიენტმა ხელახლა უნდა წარუდგინოს ბანკს განაცხადი ავტომატური
გადარიცხვების შესახებ;

ფიქსირებული ტიპის გადასახადებისას (მაგალითად ყოველი თვის კონკრეტულ რიცხვში ავტომატური გადარიცხვის შესრულებისას), თუ დავალება ვერ შესრულდა შესაბამის ანგარიშზე საკმარისი თანხის არარსებობის ან კლიენტის სხვა მიზეზით, ყოველ მომდევნო დღეს შემდეგი თვის ფიქსირებულ თარიღამდე ბანკი განხახორციელებს დავალების შესრულების მცდელობას;

ავტომატური გადარიცხვის შესრულების დღე ემთხვევა უქმე დღეს,  ბანკის მიერ,   დავალება შესრულებულ იქნება ზემოაღნიშნული პირობების დაცვით.